Njoftim për vend të lirë pune

Njoftime

Në mbështetje të Ligjit nr.7961 datë 12.07.1995 “Kodi i Punës në RSH”, i ndryshuar,VKM nr.177, datë 04.04.2019 “Për krijimin dhe funksionimin e Shoqërisë “Illyrian Guard” ShA dhe për përcaktimin e autoritetit publik, që përfaqëson shtetin si pronar të aksioneve të kësaj shoqërie”, në Rregulloren e Brendshme të Shoqërisë, miratuar me Urdhër të Administratorit nr. 3079, datë 05.11.2021, Shoqëria “Illyrian Guard” ShA shpall 1 (një) vend të lirë pune: Specialist në Sektorin e Burimeve Njerëzore.

Kriteret që duhet të plotësojnë kandidatët:

  1. Kritere të përgjithshme
  • Të ketë integritet të lartë profesional dhe moral;
  • Të jetë shtetas shqiptar;
  • Të ketë zotësi të plotë për të vepruar;
  • Të zotërojë gjuhën shqipe, të shkruar dhe të folur;
  • Të jetë në kushte shëndetësore që e lejojnë të kryejë detyrën përkatëse;
  • Të mos jetë i dënuar me vendim të formës së prerë;
  • Të mos jetë nën hetim dhe në proces gjykimi;
  • Ndaj tij të mos jetë marrë masa disiplinore e largimit nga puna.
  1. Kritere të posaçme
  • Të ketë eksperincë në fushën e Burimeve Njerëzore, minimumi 2 vite punë.
  • Të ketë njohuri të mira menaxhuese dhe të punës në grup
  • Të ketë kryer arsimin Bachelor në fushat Sociale ose Juridik
  • Preferohet të ketë kryer kurse, trajnime në fushën e menaxhimit të personelit.
  • Të ketë njohuri të mira në një prej gjuhëve të huaja (preferohet gjuha angleze)
  • Të ketë njohuri të mira për programet bazë (Word, Power Point dhe Excel)
  • Të ketë kurse e trajnime në lidhje me konceptet, analizën e standardet në fushën e menaxhimit të Burimeve Njerëzore.
  1. Dokumentacioni, mënyradhe afati i dorëzimit të aplikimeve

Kandidatët duhet të dorëzojnë dokumentat si më poshtë:

  1. Kërkesë për punësim / Letër motivimi
  2. Jetëshkrim (CV)
  3. Fotokopje të noterizuar të diplomës së Shkollës së Lartë dhe/ose Masterit
  4. Fotokopje të letërnjoftimit (ID);
  5. Vërtetim nga Prokuroria
  6. Vërtetim nga Gjykata
  7. Çertifikatë e gjendjes gjyqësore

➢ Kandidatët duhet të paraqesin dokumentat e mësipërme brenda datës 03.11.2022 nëpërmjet: postës zyrtare

➢ Kandidatët e kualifikuar do të njoftohen për zhvillimin e intervistës

Mosdorëzimi i dokumentave të mësipërme dhe mosplotësimi i kritereve, e skualifikojnë automatikisht aplikantin.